当前位置: 主页 > 通信疯狂 >外形、音质大升级Parrot Zik 2.0 >

外形、音质大升级Parrot Zik 2.0

2020-06-28 22:42:11 来源:通信疯狂 浏览:112次
外形、音质大升级Parrot Zik 2.0

无线头戴式耳机无错係选择众多,但可惜嘅係市面所见嘅款式都几千篇一律,始终尚未有一对及得上Parrot最新Zik 2.0。当中比上代Zik更轻、设计更流线之外,仲有蓝、黄、橙等sharp醒颜色可拣,同时音质都比上代大为改善,唔似坊间唔少后继产品只作小升级嚟cap用家水。

Zik 2.0的外观同上代一样,继续沿用法国殿堂级设计师Philippe Starck的出品,只係将耳机设计得更轻巧修长,同时加推蓝、黄、橙等鲜色调,打破一般耳机非黑即白嘅定律。不过讲到最大的改良,就在于提升操控灵敏度,以及音色表现两方面。耳机虽保留右耳罩可调校音量同选曲嘅touch panel,但灵敏度就比3年前试用Zik时敏感咗唔少,最少向上、下扫真係只可以校到音量,而唔会好似上代反应时有delay,甚至出现离奇hang机嘅情况,但讲到此机最敏感嘅操作,可以话係攞开耳罩就停播歌曲呢个功能,当中在右耳罩内设有感应器以侦测用家操作状况,只要耳朵冇紧贴感应器,咁歌曲就会自动停播,变相更悭电。

虽然Zik耳机已推出3年,但笔者仍然对此有深刻印象係因为当时估唔到一对外形咁出众嘅耳机,音效可以比想像中差得多,所以最初收到Zik 2.0作测试时,其实有少少担心唔知点样品评,不过看到spec中提及设有DSP数码扩音系统、内置24-bit/192kHz音讯升频功能,以及会以内置的8枚麦克风去录取环境噪音且将之消灭后,就觉得音乐表现应该唔会好似上代咁粗糙。过后试听克罗地亚钢琴家Maksim〈Gonna Fly Now〉同Backstreet Boys〈As Long As You Love Me〉,觉得Zik 2.0的音乐感比上代大为提升,加上当中着重三频输出嘅特性,所以唔会话好似Beats、Skullcandy一类偏重低音表现嘅耳机会容易听觉疲劳。值得一提嘅係用家可配以《Parrot Zik 2.0》iOS/Android手机App一齐用,内里提供EQ、模拟聆听空间效果等设定俾大家自设最适当嘅效果,个人甚至觉得程式好多进阶设定,一般用家最常用到嘅可能只得Noise Cancelling一项。

外形、音质大升级Parrot Zik 2.0
◆ Parrot Zik 2.0外形、音质大升级Parrot Zik 2.0
◆ 右边耳罩设有control panel,向上、下扫可调校音量,向左、右方扫就可切换歌曲外形、音质大升级Parrot Zik 2.0
◆ 可以插返3.5mm耳机线喺中间位置听歌,当普通headphone咁用外形、音质大升级Parrot Zik 2.0
◆ 耳罩内嘅方格为感应器,只要耳罩离开耳朵就会暂停播放外形、音质大升级Parrot Zik 2.0
◆ 耳机架预设得几紧,真係要将头带向上扯先可将佢校鬆外形、音质大升级Parrot Zik 2.0
◆ 附有Micro USB充电线及3.5mm耳机线各一外形、音质大升级Parrot Zik 2.0
◆ 以黑色布袋收纳耳机,方便带出街又唔怕整污糟外形、音质大升级Parrot Zik 2.0
◆ Parrot Zik 2.0包装盒

外形、音质大升级Parrot Zik 2.0
◆ 用家可以《Parrot Zik 2.0》手机App调整更多音效设定,支援iOS及Android版外形、音质大升级Parrot Zik 2.0
◆ 设有Noise Cancelling功能、Street Mode等音效调控模式外形、音质大升级Parrot Zik 2.0
◆ 预设EQ可拣Pop、Vocal等不同音乐风格外形、音质大升级Parrot Zik 2.0
◆ 备有不同歌手的聆听preset可选,如Danton Eeprom及La Roux等外形、音质大升级Parrot Zik 2.0
◆ Producer Mode可自调最适当的聆听参数,但个人觉得一般用家很少用得上外形、音质大升级Parrot Zik 2.0
◆ 同时可选择不同模拟聆听空间效果,如Concert的空间感会最阔

总结:
相比3年前去Zik,今次Zik 2.0不论外形、音质都更为讨好,而且从佩戴,以及同名手机App嘅设定,都更贴近用家需要,加上价钱同上代不变,所以个人觉得如果上代都咁畅销嘅话,新机销情不会太差。如果要讲觉得美中不足之处,个人认为重量仍然偏重,戴了大约半个钟已经觉得头重重同夹耳;仲有就係希望品牌可以提供一个直接少少嘅reset耳机方法,因为唔睇说明书,真係冇线索估到原来将佢重置嘅方法只係拆开右耳罩,攞粒锂电池出嚟再放返入去咁原始。

Parrot Zik 2.0基本规格:
单元:40mm钕磁铁
频率响应:20Hz-22kHz
音讯升频:24-bit/192kHz
无线连接:蓝牙3.0、NFC
电池容量:830mAh
播放时间:6-18小时(视不同播放模式而定)
备用时间:8日
线材长度:1.3m
重量:270g

上一篇:
下一篇:
相关资讯